FAQs Complain Problems

समाचार

फोटो ग्यालरी

अनलाईन पोर्टलको शुभारम्भ गर्दै राष्ट्रिय सभा अध्यक्ष गणेश तिमिल्सिनाले कुस्मा नगरपालिकाले वेभपोर्टल निर्माण गरेर सुचना प्रबिधीको क्षेत्रमा ठुलो फड्को मारेको छ भन्नुभयो । संसार सुचना प्रबिधीको प्रयोगबाट धेरै अघि बढेका छन , उहाँले भन्नुभयो स्थानिय तहले पनि सुचना प्रबिधीको प्रयोगबाट बिकास र सम्बृद्धिको क्षेत्रमा फड्को मार्न सहयोग पुर्याउँछ ।
उहाँले सुचना प्रबिधीको बिकास र सहज पहुँचले अन्धाधुन्ध योजना छनौट र पहुँचका आधारमा हुने बजेट बितिरणलाई निरुत्साहित गर्दै भ्रष्टचार नियन्त्रणमा समेत सहयोग पुग्ने बिश्वास ब्यक्त गर्नुभयो । उहाँले चुनाब भन्दा ६ महिना अघि मात्रै राजनितीक लडाई लड्ने तर त्यस बाहेक बिकास निर्माणका काममा सहकार्य र समझदारी गरेर अघि बढ्न राजनैतिक दललाई आग्रह पनि गर्नुभयो । बिकास निर्माणमा सहकार्य र प्रतिष्पर्धा गर्न सके मात्रै सोचे अनुसार उपलब्धी हासिल हुन सक्ने कुरामा उहाँको जोड थियो ।
कार्यक्रममा बोल्दै जिल्ला समन्वय समिति पर्वतका प्रमुख मनोहर बि पौडेलले स्थानिय तहले सुशासन र पारदर्शीतामा जोड दिन नसके जनप्रतिनिधी प्रतिको मोह जनतामा भंग भएर जाने खतरा रहने बताउँनुभयो ।
कुस्मा नगरपालिकका प्रमुख रामचन्द्र जोशीको अध्यक्षतामा भएको कार्यक्रममा उपप्रमुख सिता काफ्ले लामिछाने, प्रमुख जिल्ला अधिकारी गुरुदत्त ढकाल, कुस्मा नगरपालिकाका प्रमुख प्रशासकीय अधिकृत सुवास लामिछाने, वडा अध्यक्ष सुवासचन्द्र पौडेल, इन्जिनियरहरु अनुप अधिकारी, राजिब रिमाल लगायतले मन्तब्य ब्यक्त गर्नुभएको थियो ।

पर्वतको कुश्मा नगरपालिकाले सूचनामूलक मोबाइल एप्स् सार्वजनिक गरेको छ ।

नगरपालिकाको सम्पूर्ण विवरणसहित सो एप्स् सोमबार एक कार्यक्रमको आयोजना गरेर सार्वजनिक गरिएको हो । नेपाल सरकार सूचना तथा प्रविधि मन्त्रालय अन्तर्गत सूचना प्रविधि विभाग र स्थानीय शासन तथा सामूदायिक विभाग कार्यक्रम अन्तर्गतको सूचना तथा प्रविधिलाई सहजीकरण गर्नको लागी नगरपालिकामा मोबाईल एप्सको सुरुवात गरिएको हो । मेयर रामचन्द्र जोशीले एपसको उद्घाटन तथा सार्वजनिक गर्दै ग्रामीण क्षेत्रमा पनि सूचना तथा संचार प्रविधि सबैको हक र अधिकार सुनिश्चित गर्ने उदेश्यले मोबाईल एप्सको सुरुवात गरेको बताए । उनले यसको बिकास संगै यहाँका सवै वडाका जनतामा कुश्मा नगरपालिकासंगको सम्पर्क वढ्ने बताए ।यो एप्स् हाल एन्रोड मोबाईलमा चलाउन सकिन्छ भने हप्ता दिन भित्रै सवैको पहुँचमा रहने गरी आई एसओ मोबाईलका प्रयोगकर्ताले पनि प्राप्त गर्ने नगरपालिकाले योजना बनाएको छ । मोबाईल एप्स डाउनलोड गर्नको लागि आफ्नो मोबाईलको प्ले स्टोरमा गई एप्स्लाई डाउनलोड गरी प्रयोग गर्न सकिन्छ । यस एपबाट नगरपालिकाबाट प्राप्त हुने सम्पुर्ण सेवाहरु, कार्यक्रम तथा परियोजनाहरु, ऐन कानुनहरु, बडा विवरण, महत्वपूर्ण स्थानहरुको जानकारी प्राप्त गर्न सकिन्छ ।

अब विश्वको जुनसुकै कुनाबाट पनि कुश्मा नगरपालिकाको बारेमा आफ्नो धारणा राख्न सकिन्छ । भने,एप्स् मार्फत जानकारी लिन पनि सकिन्छ ।कुश्मा नगरपालिकाका आईटी इन्जिनियर राजीब रिमालले यो प्रयोग गर्न मोवाईलको प्ले स्टोरमा गई Kushma Municipility  टाईप गरेर पाउन सकिने बताए । उनले अब नगरपालिकामा भएका गतिबिधी पाउँन के कसरी चलाउने भन्ने लगायतका जानकारी दिएका थिए । एप्स् सार्वजनिक कार्यक्रमा कुश्मा नगरापालिकाका कार्यबाहक प्रसासकीय अद्यिकृत रुद्र नारायण शर्मा,साहयक सिडियो डिल्लीराम शर्मा,शाखा अद्यिकृत नविन सुवेदी लगायतले बोलेका थिए ।

kushma mucnipality mobile apps , kushma mucnipality mobile apps ,

Pages